有Big4唔做, 走去澳洲打咗14份工背後的咸甜酸苦

第三章：又食又拎的日子　２

 有人說，人生是一場賭博；而對我來說，來澳洲working holiday這場賭博改寫了我的人生。賭場中每個遊戲，都看似有輸有贏，但為什麼最後總有那麼多人傾家蕩產？因為其實最後贏的必然是莊家。就像買大小會被圍骰通殺、輪盤上會有綠色的「0」，即使百家樂，也會出現莊六點要被抽水的情況。而Big4的世界彷彿就是一個更大的賭場，有多少人再盡力，也阻不了被剝削的局面，最終成為輸家？當中或許有幾個有能耐的繼續賭下去，博一個賺大錢的機會，但最後呢？在這場賭博中他們還是會輸掉了青春、健康和時間。只有能及時收手，盡早離場，才能在賭場中生還下去！  

“砰！”跌在地上的玻璃杯也同時打破了我的白日夢，但我並沒心情去欣賞。 
「喂你又打爛野？睇你個樣尋日一定係喺賭場蒲到好夜啦！」 
「咁忙極都總要偷下閒既，況且你睇，今日咁靜都冇咩客。」
 餐館的工作算是悠閒，基本上除了星期五、六晚上比較忙之外，其他日子也很少會有滿坐的情況，對比起香港的餐廳每晚也要等位，這兒簡直就是小菜一碟。

 「喂，其實你喺香港舒舒服服坐喺office又搵到唔好咩，仲咩要黎呢度打呢d辛苦工？唔驚俾人睇唔起咩？」Timmy也是香港來的working holiday maker，他中五畢業後幾個月在香港也找不到合適的工作，於是就來了澳洲賭一個機會，一個能讓他成為澳洲公民的機會。 
「係，可能喺好多人心目中，會計師嘅地位好高，又係專業人士，讀咗咁多年書無理由唔繼續keep住佢，而且做多幾年就可以搵到四、五萬人工，的確係一個唔錯嘅數目。但係你有冇諗過，其實香港工作根本係冇人權？無論係被強制加班、被強制裁員、被強制減薪，你都係一句聲都冇得出，因為老闆會同你講你唔做，大把人等住做。喺香港，老闆係唔需要尊重員工既意見，你睇下世界其他地方，人地要示威要拒議要罷工，就會用行動黎證明老闆做得唔啱，剝削緊佢地，同時老闆又真係會聽取員工既意見，一齊去解決成件事。相反香港呢？示威拒議？OK！放工先去罷工囉！星期六日先去罷工囉！罷完星期一咪又係死死地氣返工，因為大家都驚無咗份工，咁你話邊份先係辛苦工？」
 「….嘩！洗唔洗咁認真呀你！」
 「你都唔明！費事同你講，快手D洗埋d野佢啦，就收工啦！」

 在餐館打工的其中一個福利，就是每天下班時的收工餐！尤其是對我這些單身背包來說，簡直是個福音。因為每天打兩份工，是的確會令人連公仔面也不想煮的！在回家的路上我收到了David的短訴，要我明天早上先到公司找他，他對我的工作有新的安排‥